الخميس، 3 ديسمبر 2009

الفرق بين الالم والامل


الفرق بين الالم والامل
كنت دايما لما بحب اكتب مفيش عندى مانع امسك ورقة وقلم او اقعد قدام جهازى دقائق بسيطة واكتبت الخاطرة كلها.لكن دلوقتى بحاول حتى اكتب ولو سطر واحد مش قادرة احيانا بحاول اقول انا مش عارفه السبب لكن انا عارفه انه مفيش حد مبيعرفشى ايه تعبه لكن الى مش بنبقى عرفينه اذاى نقدر نواجه مشاكلنا
وهو ده الفرق الوحيد بين الالم والامل .الالم هو جرح فى الروح والقلب بيسببه لينا اعز ما لينا لاننا لو جيه الالم من اعدائنا مش هزعل ولا نتالم لاننا عارفين انهم اعدائنا لكن المشكله لما الجرح يجى من الى بنحبهم ونخلص ليهم هى ده المشكله واصغر مثل ليها ..هو الى حصل للمشجعين المصريين من ايد الجزائرين ؟
مصر دايما بتمد ايدها بسلام بترحب بكل العرب وتحاول تحميهم يمكن يكون على طريقتها.واحنا مصريين بنحب كل العرب يمكن بنختلف احيانا يمكن بنزعل من بعض بسى عمرنا ما هنى اى واحد عربى فى اى مكان .
لما تيجى اهانتنا من ناس بنحبهم ونحترمهم ويكونوا اخوان لينا هو ده الالم بجد .احنا عمرنا متالمنا من كلام اسرائيل لاننا عارفين دول اعدائنا اكيد مش هيحبونا ويمدحونا علشان كده عمرنا متالمنا منهم حتى ايام النكسه كان اكبر الالمنا لما الحكومه خدعتنا وقالت انها تقدر تحمينا وفى ساعات كان كل مطار وموقع رماد .كان ده المنا بجد ..
اما الامل ده خيط رفيع بينه وبين الالم.الامل اننا نقدر نقف قدام الالم اننا نحاربه ونقدر نتخطاه ونقدر نخلى من عذابنا وجرحنا امل جديد لحياتنا الجيه .يمكن يكون الى حصل للمصرين من الجزائرين الالم لكن نقدر نستغل الالم ده ومنه نقدر نحقق امل جديد لينا بجد انا سعيده لما شفت الشعب كله بيقف مع بعض رئيس وممثل و سياسى ولاعب وممثل ومصرى عادى وحتى المتغربين الكل اتكاتف وتجمع ليه مش نستغل التجمع ده ومنه نقدر نبنى مستقبل جديد لينا .نفسى كل واحد يعرف قيمه شعله حتى ولو بسيط لو بجد اجتهدنا هنقدر نبنى مصر من جديد .وبدل ما
شعوب تتحكم فينا وتفرض سلطتها علينا نتحكم احنا لاننا دايما كنا ساده الشعوب وافضل بلاد العالم بشهاده الواحد القهار والحبيب المختار ..يلا يا مصرى ويلا يا مصريه نفسنا نشوف جيل جديد يعرف قيمه مصر ويبنيها
ونخلى من المنا وعذابنا امل جديد لينا وحلم نحققه واحنا ايدينا مع بعض .علشان نثبت للعالم اننا نقدر نتحد ونقدر نبنى بدل ما نقعد نزعق ونتشاجر عمر ما كرمتنا هترجع الا لما نتحد ونشتغل وناخد حقنا بعقلنا وتفكيرنا قبل ايدينا
الى زعلان وومضايق من الى حصل طيب ليه مش بتزعل لما بقينا بيقولو علينا بلاد المتخالفين ولما اعترضنا قالوا الدوله الناميه المتقدمة ليه مش بنزعق لما بدأنا الثقافه مع الصين وعددهم قدنا اتعدى المليارشوفو هما وصلو فين واحنا بقين فين حتى الهند بدات تغذو العالم وبقدت الدوله الاولى فى البرمجيات وغزت العالم بافلامها حتى هوليود .

ياريت يكون الى حصل درس نقدر نستوعبه وكل واحد يجتهد فى عمله حتى ولو كان بسيط لو فلاح بيفهم صح الفلاحه افضل من دكتور بيسيب مقص فى بطن مريض صدقونى محدش فينا يتهاون فى الى حصل ونجعل منه سبب تقدم بدل ما يكون سبب عذاب واهانه .

6 التعليقات:

mohamed ghalia يقول...

بجد عجبنى أوى خلاصة الكلام دى
ياريت يكون الى حصل درس نقدر نستوعبه وكل واحد يجتهد فى عمله حتى ولو كان بسيط لو فلاح بيفهم صح الفلاحه افضل من دكتور بيسيب مقص فى بطن مريض صدقونى محدش فينا يتهاون فى الى حصل ونجعل منه سبب تقدم بدل ما يكون سبب عذاب واهانه .

همس الاحساس يقول...

شكرا اخى على تعليقك الرائع
وعلى زيارتك مدونتى

غير معرف يقول...

كلام جميل ورائع جملةً وتفصيلاً
والله يعطيك العافيه اختي الكريمه

حسين الشمري / السعوديه

همس الاحساس يقول...

اهلا وسهلا اخى حسين
شرفنى مرورك

غير معرف يقول...

طرحك جيد

أدام الله لنا قلمك فاستمري في كتابة تلك السطور المحمسة والمشجعة للهمم

هكذا أنت تُقدمي رسالة جادة

دمتِ بكل ود

غير معرف يقول...

كلااااااااام جمييييييييييييل

إرسال تعليق

لا تخجل ان تكتب كلمة ....غلطانه ...او غير صحيح كلامك
اجعل دائما قلمك وكتابتك تعبر عن ما بداخلك
لا من اجل الذوق والادب لكن من اجل التعلم و الوصول للافضل