الاثنين، 21 ديسمبر، 2009

أتعرفنى..؟




سيدى...
اترانى مازلت طفلة...فاعلم انك ما عدت ترى
إلا.... وجه عمرى
اتسمعنى مازلت اضحك...فاعلم انك ماعدت تسمع
إلا..... صدى صوتى
اتعرفنى مازلت اقرأ...فاعلم انك ما عدت تعرف
إلا...حروف اسمى
اتحسنى مازلت نارا..فاعلم انك ماعدت تحس
إلا ...رماد شوقى

فيا سيدى.....
إن لم تعد ...
ترى وتسمع وتعرف او تحس بى
فدعنى اعرفك من أنا..؟

كنت طفلة تهديها لعبا ...لتكون لعبتك
فضاعت طفولتى وماتت برأتى
فعلم يا سيدى انى ماعدت الا عذاب

كنت وجها تداعبه النسمات..وتغازله الضحكات
ولكن دموع الفراق اماتت الضحكات
فعلم يا سيدى انى ما عدت الا عبوث ضحكات

كنت نارا تشتعل بلمساتك...وتلتهب لاشواقك
فانطفأت نار شوقى من بعدك وفراقك
فعلم يا سيدى انى ماعدت الا رماد

كنت كتاب مفتوحا ...ترسم فيه الخطوط والكلمات
ولكن امتلأت كل الصفحات بالوداع
فعلم يا سيدى انى اغلقت الكتاب

اذا وصلتك كلماتى فعلم انى الآن ...
امرأة هزمتها الليالى و الاحزان..
وسطرت الامها على الجدران

و ضحكة ربيع ولى عليه الزمان
فصار يبــكى ولا يسمع له انان..

و رماد نار الشوق والحنان ..
يخبىء جذوة نارا تنتظر الثوران..

او تلميذة لم تتعلم دروس الزمان ..
فصارت تجهل موعد الامتحان..

بقلم: يويو

الخميس، 3 ديسمبر، 2009

الفرق بين الالم والامل


الفرق بين الالم والامل
كنت دايما لما بحب اكتب مفيش عندى مانع امسك ورقة وقلم او اقعد قدام جهازى دقائق بسيطة واكتبت الخاطرة كلها.لكن دلوقتى بحاول حتى اكتب ولو سطر واحد مش قادرة احيانا بحاول اقول انا مش عارفه السبب لكن انا عارفه انه مفيش حد مبيعرفشى ايه تعبه لكن الى مش بنبقى عرفينه اذاى نقدر نواجه مشاكلنا
وهو ده الفرق الوحيد بين الالم والامل .الالم هو جرح فى الروح والقلب بيسببه لينا اعز ما لينا لاننا لو جيه الالم من اعدائنا مش هزعل ولا نتالم لاننا عارفين انهم اعدائنا لكن المشكله لما الجرح يجى من الى بنحبهم ونخلص ليهم هى ده المشكله واصغر مثل ليها ..هو الى حصل للمشجعين المصريين من ايد الجزائرين ؟
مصر دايما بتمد ايدها بسلام بترحب بكل العرب وتحاول تحميهم يمكن يكون على طريقتها.واحنا مصريين بنحب كل العرب يمكن بنختلف احيانا يمكن بنزعل من بعض بسى عمرنا ما هنى اى واحد عربى فى اى مكان .
لما تيجى اهانتنا من ناس بنحبهم ونحترمهم ويكونوا اخوان لينا هو ده الالم بجد .احنا عمرنا متالمنا من كلام اسرائيل لاننا عارفين دول اعدائنا اكيد مش هيحبونا ويمدحونا علشان كده عمرنا متالمنا منهم حتى ايام النكسه كان اكبر الالمنا لما الحكومه خدعتنا وقالت انها تقدر تحمينا وفى ساعات كان كل مطار وموقع رماد .كان ده المنا بجد ..
اما الامل ده خيط رفيع بينه وبين الالم.الامل اننا نقدر نقف قدام الالم اننا نحاربه ونقدر نتخطاه ونقدر نخلى من عذابنا وجرحنا امل جديد لحياتنا الجيه .يمكن يكون الى حصل للمصرين من الجزائرين الالم لكن نقدر نستغل الالم ده ومنه نقدر نحقق امل جديد لينا بجد انا سعيده لما شفت الشعب كله بيقف مع بعض رئيس وممثل و سياسى ولاعب وممثل ومصرى عادى وحتى المتغربين الكل اتكاتف وتجمع ليه مش نستغل التجمع ده ومنه نقدر نبنى مستقبل جديد لينا .نفسى كل واحد يعرف قيمه شعله حتى ولو بسيط لو بجد اجتهدنا هنقدر نبنى مصر من جديد .وبدل ما
شعوب تتحكم فينا وتفرض سلطتها علينا نتحكم احنا لاننا دايما كنا ساده الشعوب وافضل بلاد العالم بشهاده الواحد القهار والحبيب المختار ..يلا يا مصرى ويلا يا مصريه نفسنا نشوف جيل جديد يعرف قيمه مصر ويبنيها
ونخلى من المنا وعذابنا امل جديد لينا وحلم نحققه واحنا ايدينا مع بعض .علشان نثبت للعالم اننا نقدر نتحد ونقدر نبنى بدل ما نقعد نزعق ونتشاجر عمر ما كرمتنا هترجع الا لما نتحد ونشتغل وناخد حقنا بعقلنا وتفكيرنا قبل ايدينا
الى زعلان وومضايق من الى حصل طيب ليه مش بتزعل لما بقينا بيقولو علينا بلاد المتخالفين ولما اعترضنا قالوا الدوله الناميه المتقدمة ليه مش بنزعق لما بدأنا الثقافه مع الصين وعددهم قدنا اتعدى المليارشوفو هما وصلو فين واحنا بقين فين حتى الهند بدات تغذو العالم وبقدت الدوله الاولى فى البرمجيات وغزت العالم بافلامها حتى هوليود .

ياريت يكون الى حصل درس نقدر نستوعبه وكل واحد يجتهد فى عمله حتى ولو كان بسيط لو فلاح بيفهم صح الفلاحه افضل من دكتور بيسيب مقص فى بطن مريض صدقونى محدش فينا يتهاون فى الى حصل ونجعل منه سبب تقدم بدل ما يكون سبب عذاب واهانه .