الثلاثاء، 20 أبريل 2010

ليه حبيته




معرفشى ليه حبيته

ولقلبى شديته

ولا اعرف....

ليه بروحى نديته

وبعينى أحتويته

والله....

لا صوته

ولا جماله

ولا حتى نظرة عينه

معرفشى ليه حبيته

\\

سألت مره قلبى ..!

هو ليه حبيته..؟

رد عليا وقلى


يا بنتى ده أقدار

مكتوب تشوفيه

ومن قلبك تقربيه

وبروحك تفديه


\\


لو حتى كان مين ..!

دا القلب بيعشق...

من نظرة عين

ومكتوب عليكى ...

تعشقيــــــــــه

\\


ولو سألوكى مره

ليه حبيتيه؟

قوليلهم


ده قلبى ربطنى بيه

وعينى بتدور عليه

وايدى مشتاقه لأيديه

\\


ولو كنت بين ملايين

عينى مبتشوفشى غير عينيه

وقلبى مبيحسش الا بيه

وروحى تهرب منى....!

وترتمى بين حضن ايديه


\\

وآه من كلامـــــــه


بيدوبنى

وبيسحرنى

وكأنى عمرى مسمعت الا ليه

ولا حسيت بنغم ...

الا لما يطلع من بين شفتيه


\\


دا الحب ده......غلاب

بيسرقنا.....بدون اسباب

وبيدوبنا بأيد الاحباب


والله حبيته

معرفشى ليه

لا صوته

ولا جماله

ولا حتى نظرة عينيه


لكن والله حبيته


\\

قلبى قلـى

ده الى انا عايزه

ومن بين الناس أختارته

وعلى جدران قلبك...

حفرت اسمك واسمه

وكل لما عقلك يطلب منى صوره

ارسله صورتك وصورته

ولا يوم تسألينى ...

دا كفايه بس ابتسامته

\\

وكفايه عليكى كدا تعرفى


دا الحب يا بنتى...

بينادى الاحباب

وبيطرق كل باب

ولا يعرف ندم ولا عذاب

يكفى يوم تفتكرى


انه ليكى

وبيحلم بعنيكى

وبيلمس ايديكى

ولا يوم يقدر ينسى ....!

أول نظرة لعينيكــــى.

\\


بقلم همس الاحساس

9 التعليقات:

أحمد الصعيدي يقول...

أري عشق ولكن ينتابه الريبة والشك والقلق

قلمك غير مطمئن


أسعدك الله

bentelghrob يقول...

الله اسوبك جميل
وباين رومانسيتك باسلوبك الخاص
تسلم ايدك وبجد ياريت تعتبرى مدونة بنت الغروب مكانك
يعنى البيت بيتك والمطبخ مطبخك والمدونه مدونتك
سعيده بزيارتك ويارب تتكرر
احساسك عالى
تحياتى

إيمان يقول...

جامده اوى بجد
تسلم ايديك
بس انا اوافق احمد فى انه فى ريبه وقلق من حبك
والا مكنتيش سالتى قلبك ليه حبتيه
كان قلبك وعقلك جاويبك قبل سؤالك ده انك حبيته لحبك فيه بدون اسباب ولا صفات
تحياتى وحبى ياقمرايه

أمل حمدي يقول...

من غير ليه يا همس
ومتتعبيش نفسك وتحيريها


جميلة كلماتك

تسلم ايدك يارب

♥نبع الغرام♥♪≈ يقول...

انتى حد جميل مليان مشاعر صادقه

قلبك نقى وشفاف حبيبتى

ربنا يسعدك يارب
واسفه لغيابى لظروف مرضى الخارجه عن اراداتى

ورجعت تانى
احبك فى الله
ايناس

همس الاحساس يقول...

احمد الصعيدى

\\


شكرا اخى لرائيك الرائع

همس الاحساس يقول...

بنت الغروب

بجد زيارتك اعتزر بيها بجد

وان شاء الله يدوم الوصال

والمدونه مدونتك

♥♥ شذا ♥ الروح ♥♥ يقول...

ازيك ياقمر وحشتينى
عامله ايه يارب تكونى بخير

ايه الغيبه دى كلها

ياريت طمنينى عليكى

انا الملاك الحزين سابقآ

شوية قهوة يقول...

وحشتيني اوي
كلامك رائع
القلب وما يريد
وللاسف الحب مش بيكون بادينا

إرسال تعليق

لا تخجل ان تكتب كلمة ....غلطانه ...او غير صحيح كلامك
اجعل دائما قلمك وكتابتك تعبر عن ما بداخلك
لا من اجل الذوق والادب لكن من اجل التعلم و الوصول للافضل